ÞJÓNUSTA
Við sjáum um útboð á öllum verkþáttum til verktaka, metum tilboðin og hæfi fyrirtækjanna, gerum innkaupaáætlun, tímaáætlun og fjárhagsáætlun, höfum eftirlit með framkvæmdum og viðhöldum kostnaðarvitund í gegnum allt ferlið.
Sem byggingastjórar verkefna erum við löglegir fulltrúar verkkaupans og störfum í umboði hans. Við gætum hagsmuna hans gagnvart byggingaryfirvöldum, hönnuðum, iðnmeisturum og öðrum sem að verkefnunum koma.
Við aðstoðum við útboð til arkitekta og hönnuða, stýrum hönnunarfundum, gerum hönnunaráætlun, rýnum í gögnin og gætum þess að þau standist reglur, höldum utan um skil á gögnum o.s.frv.
Sem faglegur fulltrúi verkkaupans gætum við hagsmuna hans í hvívetna, hvort sem það er gagnvart byggingaryfirvöldum, hönnuðum, iðnmeisturum eða öðrum sem koma að verkefninu. Liður í því er að minnka sóun á tíma og efni á verkstað.
Við leggjum áherslu á að fyllsta öryggis sé gætt í öllum okkar verkefnum. Við gerum úttektir á öryggismálum á verkstað auk víðtækrar áhættugreiningar fyrir framkvæmdina í heild þar sem við beitum viðurkenndum aðferðum við að meta áhættur og stjórna þeim.
Við sköpum vinnuumhverfi þar sem allir leggjast á eitt um að gæta að eigin heilsu og annarra og kjósum snjallar, umhverfisvænar lausnir, svo neikvæð umhverfisáhrif verkefna verði sem minnst.
Hvar sem verkefnið er statt og hverjar sem þarfirnar eru getum við komið að borðinu með haldbærar lausnir sem fá hjólin til að snúast. Með því að horfa heildrænt á verkefnin finnum við bestu leiðirnar að takmarkinu og vinnum gegn óþarfa töfum og sóun á tíma og fjármagni.
Með því að spyrja réttu spurninganna hjálpum við viðskiptavinum okkar að skilgreina markmið og væntingar, drögum fram þær upplýsingar sem fyrirhuguð framkvæmd mótast af og setjum þær fram á skipulagðan og aðgengilegan máta.
Svo framkvæmdir og framleiðsluferli gangi upp þarf verkáætlunin að stuðla að skilvirkni og vera bæði ýtarleg og sveigjanleg. Sérfræðingar okkar skipuleggja verkþætti og áætla tíma þeirra af nákvæmni og raunsæi sem byggir á áratuga reynslu af byggingarframkvæmdum.